जयपुर:मृत्यु भोज रो विलाप : Bahujan India 24 New

जयपुर:मृत्यु भोज रो विलाप

जी घर में टाबर विलाप में छटपटा रही मां
उ घर में जार ख्यान भावे थाने हीरो पूड़ी, चूरमा
आदमी की चाह में व्याकुल जवान विधवा रोवे
थे तो बड़ा मजा सू खावे थाने पीड़ा काई होवे
मरग्या वाकी खातिर तो कम सू कम प्रेम जताओ
म्हाको इमान तो ओही खेवे नुक्ता – नाता मत खाओ
छोड़ कर फरा ग्या ई जग में पालने वालों
फिर काई करा टूट ग्यो संसार म्हारो
खुद भुखा रहर सहन कर लोगा ने ख्वावे तेरवो
फूट्या कर्म ई रीति – रिवाज रो जीवतो ही मर जावो
ई रीति – रिवाज री कमर ने थे तोड़ दिखाओ
थाको म्हाको धर्म ओही खेवे मृत्यु भोज ने बंद कराओ
कवि टीकूड़ा टीकम चन्द रेगर हूरड़ा जिला भीलवाड़ा राजस्थान:

संवाददाता – भीलवाड़ा राजस्थान : रघुनाथ सुकरिया